ما يسوى البيت من غيره

ما شي أحلى من وجود الرجل بحياة المرأة

بأثر خشونة طيفه بالمكان

و بريحة عطر جسمه و بأنفاسه الحارة و بصوته القاسي اللي يذوب القلب مع كل حرف ينطق به لسانه

و يا حلاة الشعور بالضعف تجاه قوته

و الإحساس بالحاجة لوجوده

من أبسط الأمور لأكبرها

من إزاحة الأثاث و تصليح اللمبة و مدة إيده حتى ينزل شي من أعلى الخزانات أو لما يسقى الزرع

و سماع تنهيدته و هو يتابع الأخبار و قسوة صوته و هو ينتقد اللي صار

و سماع مشورته و سماع ضحكته

و خفة دمه اللي ما تشبه خفة دم أي حد

و أي بنت مهما كان دمها خفيف لا يمكن توصل لحلاوة خفة دم الرجل

الرجل غير

و الحياة معاه غير

صحيح أني ما أقدر أدعي إني عارفة مشاعر المرأة المظلومة و ما أقدر أنصحها بالاستمرار لأن اللي إيده بالماي البارد مب شرات اللي إيده بالماي الحار

لكن دايما أفكر لما إنسان مبتلي بأم و أب و أخ و أخت ظلام و ما يرحمونه و متسلطين عليه بالضرب ليل مع نهار من غير سبب غير إنهم يبون يطلعون عقدهم عليه

و كيف إن يستمر بعلاقته معاهم من باب صلة الأرحام و يدعي لهم إن الله سبحانه يهديهم

و ممكن يغضب و ساعات بلحظات يأس يدعي عليهم

لكن قلبه ما يخليه و يرجع يسامح و يطلب من الله إن ما يستجيب دعوته اللي كانت بلحظة حزن و غضب

لأن ما يتحمل اللي بصيبهم

و بكون بلاء له هو قبل ما يكون لهم هم

ليش المرأة ما تتعامل مع الزوج بهالطريقة

و هو اللي أقرب الأرحام لها و كلمته تمشي عليها قبل كلمة أمها و أبوها

و هو اللي الرسول عليه الصلاة و السلام قال إذا صار للمرأة إنها تسجد لغير الله كان أمرتها بالسجود لزوجها

ما يسوى البيت من غيره Kz8xtznhfa910lpv7ms5

الله يهدي الأزواج يا رب و يخليهم يحترمون أنفسهم

لأن الشخص المحترم بالنسبة لي هو الشخص اللي عارف قدر نفسه عدل

و اللي يعرف إن رجل و ما يصير يتجبر على الحرمة الضعيفة اللي ما تملك إلا لسانها و عيب إن يحط راسه براسها

و الاحترام اللي ما يخلي الرجل يحاول يفرض رايه على الحرمة

و بالسياسة و الأسلوب الحسن يقدر يمشيها على أمره و بكيفه من دون ما ينزل مستواه للصراخ و الأسلوب السخيف اللي يشبه أسلوب الحريم بفرض الراي

الرجل متى ما كان رجل بمعنى الكلمة كان أقدر إن يمشي بيته على هواه و هو محافظ على رجولته و هيبته و من دون ما ينتقص من قدره ذرة

الناس يقولون إن عمار و خراب البيوت من المرأة

أنا اللي أشوفه العلقد تم حذف جزء من النص من قبل إدارة

الرجل هو الأساس لأن هو القوّام و هو النوخذة اللي يسير السفينة

و المرأة هي الأضعف و اللي عاطفتها تمشيها

متى ما الرجل روض المرأة صح مثل الفارس اللي يروض الخيل العنيد

كان هو البيت السعيد

ما يسوى البيت من غيره Hivy7ntychy41jz0mye3

ما يسوى البيت من غيره Tlvpt03d7mq6ws39slzj

__________________

حسبي الله و نعم الوكيل على كل اللي نقل و ينقل مواضيعي
اللهم هل بلغت ، اللهم فاشهد